Në detin Adriatik vijojnë lëkundjet e tërmetit. Edhe mëngjesin e së dielës janë shënuar të tjera lëkundje tërmeti.
Fillimisht në orën 7:04, toka u dridh pas një tërmeti me magnitudë 4.2 të shkallës Rihter. Raportohet se epiqendra e tërmetit ishte 35 kilometra nga Tirana dhe 18 kilometra nga Mamurrasi në një thellësi prej 10 kilometrash.
50 minuta më vonë u shënua një tjetër tërmet me magnitudë 3.4. Epiqendra e lëkundjeve ishte në një thellësi prej 5 kilometrash nga sipërfaqja. Tërmeti ndodhi 46 kilometra nga kryeqyteti kësaj here dhe 28 kilometra nga Durrësi.
Edhe në orë 08:18 u shënua i fundit me magnitudë 3.6 dhe epiqendër në detin Adriatik. Ndërsa edhe gjatë natës janë regjistruar lëkundje të tjera sizmike, por me magnitudë më të vogël, 2 – 3.1. /durresLajm/
