Një ngjarje e rëndë raportohet të ketë ndodhur mëngjesin e sotëm në fshatin Cërnicë të Gjilanit.
Një burrë 64 vjeçar është gjetur pa shenja jete në oborrin e shtëpisë së tij.
I njëjti u gjetë i vdekur nga familjarët e tij.
Rasti për lajmi.net është konfirmuar nga zëdhënësi i Policisë për rajonin e Gjilanit, Ismet Hashani, i cili tha se njësitet relevante policore së bashku me Prokurorin e Shtetit dhe ekipin emergjent kanë dalë menjëherë në vendin e ngjarjes.
“Me datën 04.08.2025 rreth orës 08:00, kemi pranuar informacion nga familjarët se në oborrin e shtëpisë së tij në fshatin Cërnicë të komunës së Gjilanit, është gjetur pa shenja jete një person i gjinisë mashkullore, i lindur në vitin 1961 .Njësitet relevante policore, së bashku me Prokurorin e Shtetit dhe ekipin emergjent mjekësor, kanë dalë menjëherë në vendin e ngjarjes, ku nga mjeku kujdestar është konstatuar vdekja e viktimës ,nga hetimet e para dyshohet për vetvrasje”,u tha nga Hashani.
Ai shtoi gjithashtu se me urdhër të prokurorit kompetent, trupi i pajetë është dërguar në Institutin e Mjekësisë Ligjore për obduksion dhe se hetimet rreth këtij rasti i cilësuar si “ Hetim i vdekjes” janë duke vazhduar./Lajmi.net/
