Nicole Scherzinger tregon plagët e rënda nga uji i valuar: Ajo që nuk shohin fansa

Nicole Scherzinger ka ndarë me fansat pamje të djegieve që pësoi në këmbë vetëm një orë para se të ngjitej në skenë në Dyseldorf të Gjermanisë.

Këngëtarja e “Pussycat Dolls” u dogj nga uji i valë, duke pësuar flluska dhe plagë të dukshme. Pavarësisht dhimbjeve, ajo vendosi të vazhdojë turneun evropian.

Në fotografitë e publikuara, 48-vjeçarja shfaqet fillimisht duke u përgatitur për koncert, ndërsa më pas ka treguar edhe dëmtimet në këmbë.

“Ajo që shohin ata, kundrejt asaj që nuk shohin…”, shkroi ajo, ndërsa postimi u mbush me mesazhe mbështetëse. Këngëtarja legjendare Gloria Gaynor i shkroi: “Ti je një luftëtare!”