Nga Semetishti i Suharekës në Berlin – Lediona Bytyqi kthehet me çmim ndërkombëtar

Lediona Bytyqi nga Semetishti i Suharekës është një nxënëse e talentuar dhe ambicioze, e cila me përkushtim, punë dhe dashuri për dijen po shënon suksese të rëndësishme në arenën ndërkombëtare.

Arritja më e fundit e saj vjen nga Einstein Olympiad 2026 në Berlin të Gjermanisë, ku pas pjesëmarrjes në finalen ndërkombëtare, duke përfaqësuar Kosovën, Lediona u shpërblye me çmimin Honorable Mention.

Këtij suksesi i shtohet edhe një tjetër arritjeje të rëndësishme:

TIMO International Mathematics Olympiad 2026 – Azerbajxhan: Finaliste ndërkombëtare dhe fituese e çmimit Honorable Mention dhe SIL – Oxford, Mbretëria e Bashkuar: Lediona është gjithashtu e kualifikuar për garën ndërkombëtare të gjuhës angleze, e cila do të mbahet në dhjetor 2026 në Oxford.

Përveç këtyre, ajo ka shënuar suksese edhe në gara të tjera, duke dëshmuar vazhdimisht talentin, dijen dhe përkushtimin e saj.