Më 16 shtator, pas më shumë se dy vjetësh gjykim, Haga do t’i japë Kosovës një verdikt për katër nga figurat më të njohura të luftës së saj: Hashim Thaçin, Rexhep Selimin, Kadri Veselin dhe Jakup Krasniqin.
4shja në Hagë akuzohen për krime lufte dhe krime kundër njerëzimit – akuza për të cilat janë deklaruar të pafajshëm.
E pikërisht rreth dy mijë kilometra larg Hagës në Holandë gjendet fshati Burojë i Skënderajt, vendlindja e ish-presidentit të Kosovës, Hashim Thaçi, i cili tash e gati gjashtë vjet ndodhet në paraburgim në Hagë.
Në Burojë të Skenderajt sot po mbretëron një qetësi e thellë, ku bashkëfshatarët e ish-presidentit Thaçi po presin që ai dhe bashkëluftëtarët e tij në Hagë të lirohen dhe të kthehen sa më shpejtë në Kosovë.
Pas më shumë se dy vjetësh gjykim, nesër Gjykata Speciale pritet të shpallë aktgjykimin ndaj katër ish-krerëve të UÇK-së, e që padyshim qytetarët po presin që të dëgjojnë për lirimin e tyre./Lajmi.net/
