Gjatë ditës së sotme mbi rajon ka filluar të depërtojë vorbulla ciklonike nga Atlantiku.
Ditëve të ardhshme do të sjell mbi rajon mot të ftohtë vjeshtor, me vransira, shi dhe bubullima.
Të mërkurën do të mbajë mot jo aq i ngrohtë, me vransira dhe intervale me diell. Kohëpaskohe priten reshje lokale shiu, vende-vende edhe me bubullima. Ditën e enjte dhe të premte do të mbajë mot i ftohtë, kryesisht me vransira dhe intervale me diell. Kohëpaskohe me reshje të dobëta shiu. Të enjten mbrëma në vise të larta malore mbi 2000m, në ato pjesë ku priten të reshura, ka mundësi edhe për reshje bore.
Në fundjavë, pritet përmirësim i motit, me vransira dhe intervale më të gjata me diell.
Temperaturat e ajrit do të pësojnë rënie të theksuar nën vlera mesatare. Maksimalet do të zbresin deri në 16C, të enjten, e në fundjavë do të rriten deri në 22C, ndërsa minimalet do të zbresin edhe deri në 6C.
Era do të fryejë e lehtë dhe mesatarisht e fuqishme nga jugperëndimi dhe veriperëndimi 5-9m/s.
Shtypja atmosferike do të zbres nën vlera normale, e më pas do të shënojë rritje.
