Moti për ditën e sotme në Shqipëri parashikohet me vranësira mesatare dhe të dendura por edhe me intervale kthjellimesh gjatë pjesës së parë të ditës.
Sipas shërbimit meteorologjik ushtarak , prej orëve të mesditës deri në ato të pasdites do të ketë reshje shiu të herë pas herëshme me intensitet të ulët dhe mesatar.
Në orët e nxehta të drekës në zonat kodrinore-malore reshjet lokalisht me intensitet deri edhe të lartë dhe në kohë afatshkurtër në formën e stuhive dhe rrebesheve shoqëruar me shkarkesa elektrike.
Përgjatë vijës bregdetare të Adriatikut reshjet do të jenë lokale dhe të dobëta ndërsa brigjet e detit Jon lokalisht do të preken nga reshjet në formën e shtrëngatave dhe stuhive. Era do të fryjë me drejtim veriperëndim-juglindje 1-12 m/sek në bregdet. Deti parashikohet i forcës 3-4 me lartësi vale 1.8-2.2 metra.
