“Kam vite që luftoj për të mësuar të vërtetën por të gjithë më kanë braktisur. Prej sot nuk lëviz nga varri i djalit tim derisa të kem një përgjigje” ky është apeli dëshpërues i Lena Dodaj, nëna e Mariglenit i cili humbi jetën më 18 tetor 2011.
Djaloshi humbi jetën në moshën 25 vjeçare pasi u rrëzua nga një çati ku po punonte. Gruaja që kërkon të dijë rrethanat e ngjarjes sidomos orët e fundit që i riu kaloi në spital, nisi sot një grevë urie.
Gruaja është e vendosur të flejë pranë varrit ku prehet djali i saj në varrezat e Ternit, transmeton oranews.
“Do të qëndroj këtu derisa të hapen hetimet për shkaqet të vdekjes.”
Ajo kërkon që trupi i djalit të saj të zhvarroset për tiu bërë autopsia. “Nëse nuk do e bëjnë do e bëj unë”.
“Dhe nëse do të më largojnë nga varreza do të fle në makinë afër varrezës dhe nesër do të jem sërish këtu” thotë ajo.
