Në Ulqin nga turzimi jetohet dy muaj, nga bujqësia një vit

Pozita gjeografike që ka, ka bërë që Ulqini të kultivojë kultura të ndryshme. Mandarina është fruti që kultivohet më së shumti në këtë anë, për çdo vit nga ky vend dalin mbi 5 mijë ton të tilla, shkruan Gazeta Metro.

Në Ulqin ka mbi gjysmë milion rrënjë të llojeve të ndryshme të frutave jugor. Sipas të dhënave të shtetit, më së shumti ka mandarina, shega, fiq e shumë lloje të tjera.

Kultivimi që po rritet më së shumti kohëve të fundit, janë mandarinat.

Për çdo vit, Ulqini eksporton me mijëra ton mandarina nëpër vende të ndryshme, të cilat natyrisht ndikojnë në ekonominë e vendit.