Në ditën kur Kosova përballet me koronavirusin dhe Qeveria e vendit ka vendosur që të pezullohet puna në kompanive private, një punëtorë në Gjilan ka vdekur në vendin e tij të punës, shkruan Gazeta Metro.
Gjatë ditës së sotme në qytetin e Gjilanit një person i moshës 49 vjeçare ka vdekur derisa ishte duke punuar.
Gazeta Metro merr vesh se personi ishte duke u kryer procesin e shkarkimit të disa strukturave të rënda metalike, me që rast vjen deri tek rrëshqitja e ngarkesës dhe viktimës i shkaktohen lëndime të rënda dhe si pasojë e të cilave dyshohet se ka vdekur.
Ngjarja ka ndodhur rreth orëve të para të mëngjesit, kurse Policia është njoftuar nga Emergjenca e Gjilanit rreth orës 11:50 se aty është sjellur një person shqiptar shtetas i Kosovës (1971), pa shenja jete.
Nga kjo ngjarje e rëndë, dy të dyshuar që ishin personat përgjegjës të kompanisë që kryente këtë ngarkesë, janë intervistuar nga hetues policor në prani të avokatit mbrojtës, shkruan Gazeta Metro.
Dyshohet se ata nuk kishin vepruar në pajtim me dispozitat apo rregullat teknike mbi masat për sigurinë në vendin e punës.
Prokurori Kompetent për Krime të Rënda ka urdhëruar ngritje të kallëzimit penal ”Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.
Dy të dyshuarit janë ndaluar nga Policia e Kosovës për 48h orë në paraburgim me vendim të Prokurorit, shkruan Gazeta Metro.
Hetimi rreth këtij rasti të rëndë po vazhdon nga Policia e Kosovës.//gazetametro.net
