Mijëra qytetarë në protestën e 11-të në Prishtinë, Vlora Çitaku: Sonte, çdo ditë e çdo natë, UÇK

Sekretarja e Përgjithshme e Partisë Demokratike të Kosovës (PDK), Vlora Çitaku, ka reaguar përmes një mesazhi të shkurtër e të fuqishëm në rrjetet sociale.

Çitaku ka theksuar përkushtimin dhe nderimin e përhershëm ndaj vlerave të Ushtrisë Çlirimtare të Kosovës.

“Sonte e çdo ditë e çdo natë UÇK”, ka shkruar sekretarja e PDK-së në postimin e saj.

Kujtojmë që sonte është mbajtur edhe nata e 11-të e protestës në sheshin Skënderbeu në Prishtinë, ku mijëra qytetarë vërshuan sheshin me pankartë të ndryshme dhe me flamujt kuq e zinjë si dhe me flamuj të emblemës së UÇK-së.