Myslimanët në Korenë e Jugut të hënën vendosën të rihapin xhamitë që nga e mërkura, kjo pasi që vendi nuk raportoi asnjë rast të transmetuar lokalisht të koronavirusit për ditën e tretë me radhë.
Me forcë të besimit për tejkalimin e pandemisë më të keqe të COVID-19, myslimanët në Korenë e Jugut të hënën njoftuan të hapnin xhami për besimtarët, shkruan Anadolu, transmeton Klan Kosova
Në një deklaratë, Federata Myslimane e Koresë me qendër në Seul tha se xhamitë do të hapen për lutjet e së premtes me xhematin dhe lutjet speciale të natës vonë (Tarawaeeh) gjatë muajit të shenjtë të Ramazanit.
Federata, megjithatë, u kërkoi muslimanëve të vendit që të ndiqnin masat qeveritare kundër COVID-19 dhe të ruanin një distancë prej një metre gjatë lutjeve.
“Të gjithë muslimanët duhet të ndjekin të gjitha kushtet që mund të parandalojnë përhapjen e COVID-19”, shtoi deklarata.
Pas shpërthimit të pandemisë, qeveria u kishte kërkuar bashkësive fetare të zvogëlonin tubimet për të ndihmuar në frenimin e përhapjes së infeksionit vdekjeprurës.
Federata u ka kërkuar muslimanëve që të përdorin dezinfektues të duarve, të veshin maska për fytyrën dhe të regjistrohen para se të hyjnë në xhami.
Qeveria ka vendosur gjithashtu që gradualisht të fillojë hapjen e shkollave nga java e ardhshme.
