Ministri i Jashtëm rus Sergey Lavrov refuzoi të angazhohej për një takim midis Presidentit Vladimir Putin dhe Presidentit ukrainas Volodymyr Zelensky, por nuk përjashtoi mundësinë e bisedimeve të mëtejshme.
Në komentet për mediat shtetërore ruse, Lavrov hezitoi lidhur me një takim të mundshëm dypalësh midis Putinit dhe Zelenskyt, i cili është mbështetur nga Presidenti i SHBA-së Donald Trump.
“Çdo kontakt që përfshin zyrtarë të lartë duhet të përgatitet me kujdesin më të madh”, tha Lavrov të martën.
“Ne nuk refuzojmë asnjë formë pune – as dypalëshe dhe as trepalëshe”, theksoi Lavrov, pa u zotuar për asnjë.
Pas takimit me Zelenskyn dhe udhëheqësit evropianë në Shtëpinë e Bardhë të hënën, Trump foli në telefon me Putinin për të diskutuar një takim midis udhëheqësit rus dhe Zelenskyt.
Deri më tani, Kremlini ka thënë vetëm se është i përgatitur të “ngrëjë nivelin” e delegacionit që dërgon në takimet me Ukrainën, por nuk tha nëse kjo do të thotë që Putini është i përgatitur të takohet me Zelenskyn.
