Kështu e konsideron Kosovën deputeti, Milaim Zeka, pas asaj që ka ndodhur sot me shtetasit turq në Kosovë.
Sipas tij, kjo krijon pasiguri tek qytetarët e Kosovës dhe se “është turp, është skandal, është vepër penale”.
Për më tepër, ai e krahason rastin e ndalimit të kryeministrit, Ramush Haradinaj, në Francë dhe mundësinë e ekstradimit të tij në Serbi.
“Çfarë llogarie do të jepte Franca sikur ta kishte dërguar Haradinajn në Beograd? Për këtë që ka ndodhur sot në Kosovë duhet të japë llogari Presidenti, Kryeministri, Ministri i Drejtësisë dhe zinxhiri komandues,” është shprehur Zeka në emisionin Kontakt.
Sipas tij, arrestimi i gylenistëve sot, është poshtrim i të gjitha atyre familjeve, deputetëve, gazetarëve dhe krejt qytetarëve të Republikës së Kosovës.
