Michael Jackson ka hyrë sërish në histori të muzikës me një arritje të veçantë, pas suksesit të madh të një filmi biografik në kinema.
Ai është bërë artisti i parë në histori që ka një këngë debutuese në listën Billboard Hot 100 në gjashtë dekada të ndryshme, transmeton Indeksonline.
Kjo ndodhi pasi kënga e tij Chicago u rendit në vendin e 30-të, duke shënuar paraqitjen e tij të parë në listat e viteve 2020.
Kënga ishte publikuar fillimisht në albumin pas vdekjes së tij Xscape, i publikuar në maj 2014. Ajo hyri në Billboard Hot 100 për javën e 6 qershorit, e mbështetur nga rreth 10.7 milionë dëgjime në SHBA gjatë periudhës 22–28 maj, sipas të dhënave nga Luminate.
Nga i njëjti album, edhe këngë të tjera kanë hyrë në listë:
- Love Never Felt So Good (duet me Justin Timberlake) arriti vendin e 9-të
- Slave to the Rhythm u rendit në vendin e 45-të
Ky sukses e forcon edhe më shumë trashëgiminë e Michael Jackson si një nga figurat më me ndikim në historinë e muzikës pop./Indeksonline/
