Masa e karantinimit të qytetarëve do të hiqet në fund të muajit maj, ka thënë sot ministri i Shëndetësisë, Arben Vitia.
Vitia, në një konferencë për media të hënën, ka deklaruar se mbyllja e karantinës së detyruar do të bëhet në bashkërendim me shtetet e rajonit.
“Deri në fund të këtij muaji do të mbyllet edhe karantina, në bashkërendim edhe me shtetet e rajonit dhe jo vetëm”, ka deklaruar Vitia.
Vitia ka bërë të ditur se po ashtu nga nesër është shtuar liria e lëvizjes për qytetarët. Nga nesër, sipas vendimit të Ministrisë së Shëndetësisë, qytetarë do të mund të lëvizin nga ora 05:00 deri në orën 21:00.
- Advertisement -
