Kryetari i Komunës, Bekim Jashari dhe hoxha Halil Kastrati, nga Shoqata Bamirëse “Jetimat e Ballkanit” kanë vizituar familjet Ahmeti dhe Vojvoda, të cilave do t’u ndërtohen shtëpitë e reja.
Me këtë rast, pritet të fillojë ndërtimi i shtëpisë për familjen nëntë anëtarësh të Ahmet Ahmetit nga fshati Kozhicë, i cili ka jetuar në kushte të vështira të banimit.
Më pas, hoxha Halil Kastrati dhe kryetari Jashari që shoqërohej edhe nga kryesuesja e Kuvendit Komunal, znj.Fatbardha Haliti, kanë vazhduar në fshatin Llaushë, tek Mentor Vojvoda, të cilit fal kontributit të bashkatdhetarëve tanë nëpërmjet Shoqatës “Jetimat e Ballkanit”, do t’i vazhdohet punimi për ndërtimin dhe përfundimin e shtëpisë së re.
