Kancelari gjerman Friedrich Merz ka kundërshtuar marrëveshjen e njoftuar mes Shteteve të Bashkuara dhe Rusisë për furnizimin e tregjeve me naftë dizel ruse, duke e cilësuar një vendim të tillë të paimagjinueshëm për Gjermaninë dhe Evropën.
Merz theksoi se Gjermania do të vazhdojë të mbështesë Ukrainën dhe do të bashkëpunojë me partnerët evropianë për arritjen e një paqeje të drejtë dhe të qëndrueshme, që garanton lirinë e Ukrainës dhe sigurinë e Evropës.
“Presidenti Zelensky mund të mbështetet te Gjermania dhe Evropa në këtë situatë. Ne qëndrojmë pranë Ukrainës dhe do të vazhdojmë të bashkëpunojmë brenda kornizës së Bashkimit Evropian, me qëllim arritjen e një paqeje të drejtë dhe të qëndrueshme, që do të ruajë si lirinë e Ukrainës, ashtu edhe sigurinë e Evropës”, deklaroi kancelari gjerman.
Duke iu referuar marrëveshjes për furnizimin me naftë dizel ruse, Merz theksoi se një vendim i tillë është i papranueshëm për Berlinin dhe partnerët evropianë.
“Rusia do të negociojë seriozisht vetëm nën presion. Kjo është arsyeja pse ne po i mbajmë sanksionet tona kundër Rusisë”, u shpreh ai.
Kancelari gjerman shtoi gjithashtu se, pas sulmeve të vazhdueshme ruse ndaj infrastrukturës energjetike të Ukrainës, është e nevojshme të forcohet mbështetja për Kievin. /Panorama
