Në ora 19:00 ka filluar mbyllja e vendvotimeve pas 12 orëve të votimit. Gara për kryetarin e komunës së Drenasit është zhvilluar sot për herë të dytë, në balotazhin në mes të kandidatit të PDK-së Ramiz Lladrovci dhe atij të NISMA për Kosovën, Isa Xhemajlaj.
Procesi, sipas raportimeve, ka shkuar në rregull, por jo pa probleme. Ka pasur raste kur është votuar më shumë se njëherë, fotografim të votave dhe presence të personave të paautorizuar.
Në qendrën më të madhe votuese, shkolla fillore “Rasim Kiqina” pjesëmarrja ka qenë 44%, më e madhe në krahasim me raundin e kaluar kur ishte 3%, transmeton Koha.net.
Menaxheri i kësaj qendre ka thënë se nuk ka pasur parregullsi në këtë qendër.
- Advertisement -
