Mbrëmë, një çift nga Belgjika është zhdukur në Himarë të Shqipërisë, shkruan Gazeta Blic.
Policia e Shqipërisë, që nga marrja e informatave, ka filluar kërkimet intensive në teren, për gjetjen e tyre, por që ende nuk ka asnjë shenjë.
Çifti nga Belgjika, kanë shkuar në Shqipëri si turistë, teksa kontakti i fundit i tyre besohet se ishte në zonën malore përreth Bashkisë së Himarës.
Por, anipse ende nuk dihet se çfarë ka ndodhur me fatin e tyre, raste të tilla ka pasur mjaft në Shqipëri.
Ndër rastet që bëri bujë edhe në mediat ndërkombëtare, ishte zhdukja e turistëve çek, Michael Svatos dhe Anna Kosinova.
Ata fillimisht ishin raportuar si të zhdukur, por që më vonë u patën gjetur të vrarë në një zonë malore të Shqipërisë.
Ky rast kishte ngritur në këmbë institucionet shqiptare, teksa për të është raportuar edhe nga mediat më të fuqishme në botë.
Vrasja e turistëve çek, kishte ngritur një dyshim të madh për sigurinë e turistëve që vizitojnë Shqipërinë.
Raste tjera patën ndodhur, ku grupet kriminale që operojnë në Shqipëri, kishin kidnapuar dhe vjedhur shumë turistë, që kishin vendosur që pushimet e tyre t’i kalojnë në vendet turistike të shtetit shqiptar.
