Sipas raporteve me gjithë përgatitjet strategjike e taktikën e ushtrisë ruse në sulmin e sotëm ndaj Ukrainës si duket ato nuk kishin efektin e duhur. Qindra rus të vrarë në betejë derisa ofensiva për qytetin e madh Kharkiv ka ngecur.
Invadimi i Ukrainës që nisi me të gjitha stratagjemat e para deri tani të Rusisë, me mësimet e nxjerra nga luftërat e SHBA’së në invadimin e tyre në Afganistan e në Irak dy herë, e me dështimet e tyre në Çeçeni si duket përsëri nuk ju ka shkuar siç e mendonin të kapin shpejt kryeqytetin e Kiev.
Kjo sipas një analize të shkurtër të ish zyrtarit në këshillin kombëtar të SHBA’së, Alexander S. Vidnman në konton e tij në Twitter.
“Veprimet e para jo fort të suksesshme. Nuk po duket aq keq sa e kam menduar. Më pak predha balistike dhe sulme ajrore. Sulm i hershëm me trupa tokësore për të reduktuar ushtrinë ukrainase. Ne do të mësojmë shumë rreth ushtrisë ruse. Po duket më e dobët se që kemi dyshuar” ka shkruar Vindman.
Ushtria ukrainase ka raportuar se kanë vrarë mbi 100 ushtarë rus në luftime deri në orën 12:00. Sipas raportit të fundit ata kanë shkatërruar 7 aeroplanë luftarak rus, 4 helikopterë dhe më shumë se 10 automjete të armatosura ka njoftuar Qendra Strategjike e Mbrojtjes së Ukrainës.
Ata kanë njoftuar se Rusia ka pushtuar dy qytete Henichesk dhe Nova Kahkova në rajonin Kherson.
