Kryetari i Degës në Skenderaj të Partisë Demokratike të Kosovës, Sami Lushtaku, ka folur për gjendjen e partisë në këtë komunë.
Lushtaku ka thënë në “Pressing”, në T7, se ka shumë faktorë pse PDK ka humbur votues në Skenderaj.
“Mendoj se qasja e kolegëve të mi të PDK’së nuk ka qenë sa duhet e përshtatshme për opinionin në Skenderaj”, është shprehur ish-kryetari i Skenderajt.
Ai ka thënë se PDK po punon fort për t’iu kthyer votuesit e humbur, raporton Gazeta Express.
“Jam për çdo ditë në terren, dal pothuajse për çdo ditë”, ka treguar Lushtaku në T7.
“Kudo ku kemi shkuar – ne i shfrytëzojmë odat – nuk ka takim që marr pjesë, me strukturat e partisë, që s’janë 100-150 vetë. Odat plot, por edhe korridoret”, ka thënë ai.
Lushtaku ka folur edhe për moskandidimin e tij për kryetar të Skenderajt përsëri.
“Ka qenë një kërkesë e Bekim Jasharit që ai ta merr timonin e Komunës”, është shprehur Lushtaku.
“Me kënaqësinë më të madhe e kam mbështetur”, ka shtuar ai. /Express/
