Siç shkruan ai, Kremlini dhe Beogradi po mendojnë se koha është kthyer në fillim të 90-tave, dhe po bëjnë versionin 2.0 të politikës së Millosheviqit. Këtë situatë ai thotë se duhet ta tejkalojmë me maturi dhe vendosshmëri.
“Tanimë është e qartë se dialogu me Serbinë ka pësuar vdekje klinike dhe nuk mund të vazhdojë në formatin e tanishëm, pasi Beogradi po dëshmon edhe njeëherë se nuk është asgjë më tepër se sa një kali i Trojës i Rusisë në Ballkan për të dëmtuar, dhe eventualisht për të shkatërruar projektin Euro-Atlantik të paqes dhe sigurisë në rajon”, thekson ai.
Peci vlerëson se është koha e fundit që partitë politike teë Kosovës të kthjellen, t’i lënë anash ndasitë dhe të punojnë së bashku në këto kohe të turbullta. “Populli i Kosovës eshte kontribuesi nr. 1 i pavarësisë së vendit tonë, dhe ju të zgjedhurit tonë keni obligim ta mbroni atë”, përfundon ai./Lajmi.net/
