Lidhja Demokratike e Kosovës ka vizituar banorët e fshatit Broboniq të Mitrovicës. Kjo është edhe vendlindja e kryetarit të Partisë Demokratike të Kosovës Kadri Veseli. Këtu ish-deputetja e LDK’së Doruntinë Maloku, u shpreh e bindur se partia e udhëhequr nga Isa Mustafa do ta përmirësoj mirëqenien e qytetarëve.
Ish-deputetja e Lidhjes Demokratike të Kosovës Doruntinë Maloku ka takuar simpatizantë të kësaj partie në qytetin e Mitrovicës. Në këtë takim ajo ishte e shoqëruar nga kryetari i degës së Lidhjes Demokratike të Kosovës në Mitrovicë Safet Kamberi dhe asambleisti i kësaj partie Osman Haziri.
Në fshatin e lindjes së kryetarit të PDK’së Kadri Veseli, u tha se do të jetë LDK’ja ajo që do të zhvilloj vendin.
“Sonte, pata nderin të isha mysafire e konakut të veteranit të arsimit, njërit ndër themeltarët e Degës së LDK-së në Mitrovicë dhe Asambleistit të kësaj komune nga radhët e LDK-së, z. Osman Haziri në fshatin Broboniq të Mitrovicës!
Bashkë me kryetarin e Degës së LDK-së në Mitrovicë, z. Safet Kamberi, kryetarët e nëndegëve në Zhabar, z. Bedri Murati dhe në Broboniq, z. Eset Mehaj, takuam disa nga anëtarët e kryesisë së nëndegës dhe njëherit përfaqësues të familjeve të këtij fshati pitoresk.
U premtuam se LDK-ja do ta vazhdojë zhvillimin ekonomik të Kosovës dhe do ta përmirësojë mirëqenien e qytetarëve të saj.
Broboniqi me LDK-në!
Shihemi në finale!
