Filozofi Blerim Latifi ka reaguar pas zhvillimeve në Shtetet e Bashkuara të Amerikës, raporton Gazeta Express.
Latifi në Facebook ka shkruar se pamjet e dhunës në Kongresin amerikan i ngjajnë atyre të ndodhura vite më parë në Kuvend.
Ai ka thënë se merita më e madhe pse është shmangur përgjakja e Kuvendit i takon Kadri Veselit.
“Pamjet e dhunës në Kongresin amerikan na i rikujtuan pamjet e ngjashme të ndodhura pak vite më parë në Kuvendin e Kosovës. Në përleshjet brenda Kongresit amerikan qenkan vrarë katër njerëz. Edhe në Kuvendin e Kosovës disa herë ka pasur situata që fare lehtë mund të përfundonin me gjakderdhje. Merita më e madhe pse u shmang atëherë përgjakja e Kuvendit i takon një njeriu: Kadri Veselit”, ka thënë ai.
- Advertisement -
