Zekirija Ramadani duhet ti bëjë llogaritë pa futbollistin Met Millaku për duelin ndaj Prishtinës, shkruan Gazetasheshi.com.
Mesfushori qendror ka pësuar një zgjatje muskulare në aduktor dhe ka mbetur jashtë listës së Ramadanit për duelin më të rëndësishëm të vitit.
Millaku ishte transferuar në afatin kalimtar të dimrit te Feronikeli nga skuadra e Dukagjinit, derisa ka qenë njëri ndër lojtarët kyç këtë edicion për teknikun shkupjan.
Ai gjithashtu kishte startuar në ndeshjen e fundit përballë Prishtinës në kryeqytet.
Dueli Feronikeli – Prishtina luhet nga ora 16:00 në “Rexhep Rexhepi” të Drenasit, derisa pritet të përcaktohet titulli kampion për edicionin 2018/19./Gazeta Sheshi/
