Kryetari i Lëvizjes Vetëvendosje, Albin Kurti, ka treguar se në dy javët e fundit ka marrë urime nga disa fqinjë.
Por në postimin e bërë, Kurti ka lënë të nënkuptohet se ai nuk është uruar nga asnjë politikan vendor dhe as nga kryeministri shqiptar Edi Rama, shkruan Reporteri.net.
Postimi i Kurtit:
Gjatë dy javëve të fundit pranova shumë telefonata, mesazhe e letra urimi për rezultatin dhe suksesin e Lëvizjes VETËVENDOSJE! në zgjedhjet e 6 tetorit.
Nga Kryetari i Kuvendit të Shqipërisë, z. Gramoz Ruçi, Kryeministri i Maqedonisë së Veriut, z. Zoran Zaev, Kryetari i Kryesisë së Bosnjë dhe Hercegovinës, z. Željko Komšić, Nënkryetari i Kuvendit të Malit të Zi, z. Genc Nimanbegu, ish Presidenti i Kroacisë, z. Stjepan Mesić, e shumë të tjerë.
Me bashkëpunim të ngushtë me partnerët fqinjë e miq tonë, do të jemi një hap përpara zhvillimit e integrimit tonë.
U jam mirënjohës të gjithëve për urimet, përgëzimet dhe gatishmërinë e shprehur për mbështetje.
