Kryeministri në detyrë Albin Kurti dhe kandidati i VV’së ka folur për raportet e qeverisë së tij me Shtetet e Bashkuara të Amerikës ka thënë se ato nuk janë të shkëlqyera, por shumë të mira.
Kurti e ka veçuar bashkëpunimin në fushën e mbrojtjes
Tutje, ai i ka cilësuar raportet duke si të qëndrueshme dhe të shumëdimensionale.
Gjatë debatit në Kanal 10, Kurti ka thënë se raportet me SHBA-në mbështeten në tri shtylla kryesore: diplomaci, zhvillim dhe mbrojtje, duke theksuar se ato mbeten partner strategjik i Kosovës.
“Raportet me Shtetet e Amerikës i kemi thënë që janë tredimensionale: diplomacia, zhvillimi dhe mbrojtja. A e di pse nuk është ndoshta në shkallën që do kishim dëshiruar? Sepse SHBA-të kanë orientime tjera tash, nuk e kanë Ballkanin në qendër”, tha Kurti.
