Tërmeti me magnitudë 4.9 i shkallës Rihter që u regjistrua rreth orës 21:15 të mbrëmjes së të martës, 28 janar, riktheu edhe njëherë frikën te qytetarët.
Por sizmiologu, Rexhep Koçi, për Ora News thotë se thotë se nuk ka asgjë për panik pasi vendi është akoma nën efektin e periudhës postermetore nga tërmeti i 26 nëntorit.
Koçi: Vendi jonë është akoma nën efektin e periudhës postermetore e tërmetit të 26 nëntorit. Magnituda ishte e një trendi më të rritur. Gjithësej 15 paslëkundje, 9 të regjistruara.
Një tjetër shqetësim i qytetarëve janë edhe të dhënat e ndryshme që ofrohen për madhësinë e tërmetit. Në rastin e fundit nga IGJEUM flitet për tërmet 4.9, ndërsa nga EMSC thuhet se ka qenë 5.
Koçi: Çdo institucion ka praktikat e veta, varet kujt magnitudë i refererohet. Ne i vlerësojmë ngjarjet me magnitudën lokale. Duhet ti referoheni magnitudës që ne japim në IGJEUM.
Por sa pritet të zgjasë periudha postërmet?
Koçi: Periudha postermetore varet. Sa më e madhe të jetë një ngjarje sizmike aq më e gjatë është periudha postermetore. Por aktiviteti sizmik do të jetë i një trendi në rënie, pavarësisht se mund të ketë një periodë me magnitudë më të lartë si ngjarja e djeshme.
