Për shumicën e njerëzve dita nuk fillon pa një filxhan kafe, Me siguri keni lexuar shumë artikuj për kafen si ato që tregojnë se kjo pije ju dëmton nëse e merrni me stomakun bosh pasi zvogëlon prodhimin e acidit hidroklorik, e kjo më pas sjell refluks apo pasoja të tjera të dëmshme.
Gjithashtu ajo që duhet të dini është se kafeja nuk duhet kombinuar kurrë me çokollatë ose alkool. Kjo pasi kombinimi me këto dy produkte ndihmon në relaksimin e sfinkterit të poshtëm të ezofagut dhe rezultati është shfaqje e urthit, ndjesi djegie dhe refluks i stomakut. Edhe nëse nuk ndieni siklet, shenjat e inflamacionit të ezofagut mund të shfaqen me kalimin e kohës.
Kombinimi perfekt që rekomandohet është kafe ekspres me biftek. Espresso është një pije më e koncentruar, përmban acide organike që përmirësojnë procesin e tretjes dhe kështu ka një efekt më të mirë me mishin së bashku me lëngun e stomakut.
Pak kohë pas kafes, rekomandohet të pini një gotë ujë për të rimbursuar lëngjet në trup, sepse kafeja ka një efekt diuretik. Megjithatë, mjekët paralajmërojnë se marrja e tepërt e kafesë ndikon negativisht në shëndet, në radhë të parë në muskulin e zemrës, sepse numri i rrahjeve të zemrës përshpejtohet pas pirjes.
