Kryeimami i Mitrovicës, Asllan Murati ka reaguar pas deklaratës së kryeministrit Ramush Haradinaj, i cili premtoi donacion për rindërtimin e katedrales Notre Dame në Paris e cila dy ditë më parë u shkatërrua nga flakët.
Murati përmes një postimi në Facebook iu është drejtuar kryeministrit në emër të qytetarëve të Mitrovicës duke thënë se e kundërshtojnë ashpër propozimin per ndarjen e mjeteve për katedralen Notre Dame.
“O Kryeministër, edhe Xhamia e Ibrit u dogj!
Si qytetarë të Mitrovicës e kundërshtojmë ashpër propozimin per ndarjen e mjeteve për katedralen Notre Dame”, ka shkruar Murati në Facebook.
Kryeministri Ramush Haradinaj, duke shprehur keqardhje për djegien e katedrales, para ambasadorit të Francës, Didier Chabert, ka thënë se edhe Kosova do të ndihmojë në rindërtimin e saj.
Ai nuk ka konfirmuar vlerën e mjeteve që janë propozuar në këtë rast.
- Advertisement -
