Haxhi Krasniqi ka vazhduar me përgatitjet për duelin e tij të parë të vitit 2019.
Viti i kaluar ishte mjaft mbresëlënës për Haxhi Krasniqi, pasi që boksieri kosovar u konfirmua kampion i Evropës në boksin profesionist, shkruan Gazeta Express.
Mirëpo, junikasi synon të arrijë më shumë se kaq në karrierën e tij.
Ai gjithmonë ka bërë të ditur se dëshiron të shpallet kampion bote.
Për ta bërë ëndrrën e tij realiteti, Krasniqi është duke ushtruar vazhdimisht.
Ai ka qenë sërish aktiv në rrjetet sociale, ku ka publikuar një video duke u stërvitur me Ruslan Chagaev, ish-kampionin e botës.
Stërvitjet për duelin e radhës vazhdojnë. Kam kënaqësinë të stërvitem me ish-kampionin e dyfishtë të botës në peshat e rënda, Ruslan Chagaev”, ka shkruar Krasniqi në Instagram. /Gazeta Express/
- Advertisement -
