Lajmet e mira për Kosovën kanë filluar. Jo shumë larg ditësh kur Bangladeshi e njohu shtetin tonë, gjatë ditës së sotme Ministri i Punëve të Jashtme, Enver Hoxhaj bëri të ditur se Kosova është pranuar në Organizatën Botërore të Doganave.
Lajmin e ka bërë të ditur përmes një postimi në Facebook, shkruan Indeksonline.
“Një tjetër lajm i mirë pak ditë pas njohjes nga Bangladeshi. Sot zyrtarisht Kosova është pranuar në Organizatën Botërore të Doganave, që është anëtarësimi më i rëndësishëm pas anëtarësimit tonë në Bankën Botërore dhe Fondin Monetar Ndërkombëtar në vitin 2009. Një falënderim i veçantë për shtetet mike, qeverinë belge dhe ministrin e Jashtëm të Belgjikës, Didier Reynders për përkrahjen për tu bërë pjesë e kësaj organizate pas disa vitesh lobimi intensiv”, ka shkruar Hoxhaj.
