Mike Tyson ka konfirmuar se ndeshja e shumëpërfolur miqësore me Floyd Mayweather do të zhvillohet në muajin mars dhe do të mbahet në Afrikë. Dy legjendat e boksit, të cilat prej vitesh kanë ndezur diskutime për një duel të mundshëm, më në fund kanë rënë dakord për datën dhe vendin.
Tyson pranoi se fillimisht nuk besonte se përballja do të ndodhte, derisa Mayweather e konfirmoi vendimin e tij. “Mendova: Nuk ka mundësi që kjo të ndodhë. Por Floyd tha po”, shpjegoi ai duke theksuar se boksi ka hyrë në një epokë të paparashikueshme
Ai shtoi se tensionet e viteve mes tyre dhe dëshira e Mayweather ishin faktorë kyç që e shtynë duelin përpara. “Ende nuk mund ta besoj që Floyd dëshiron ta bëjë vërtet këtë. Do të jetë e dëmshme për shëndetin e tij, por ai dëshiron ta bëjë”, tha Tyson.
Me përballjen tashmë të zyrtarizuar, Tyson mendon se eventi do të jetë monumental. “Kjo do të jetë e pabesueshme. Do t’i thyejmë të gjitha rekordet. Do të jetë një nga ngjarjet më të mëdha në historinë e sportit”, theksoi ai.
