Një delegacion i Komunës së Skenderajt i udhëhequr nga Nënkryetari Fadil Nura ka bërë sot homazhe dhe ka vendosur lule në Kompleksin Memorial Adem Jashari në Prekaz, në përkujtim të 19 vjetorit të sulmit të forcave ushtarake dhe praushtarake serbe në familjen Jashari, transmeton Drenica Press.
Pjesë e delegacioni ishin edhe Kryesuesi i Kuvendit Ismet Salihu dhe anëtarë të tjerë të Kuvendit komunal.
Më 22 janar të vitit 1998 forcat ushtarake, policore dhe paraushtarake serbe sulmuan familjen Jashari, ku hasën në rezistencë të armatosur.
Ky sulm i parapriu Epopesë së lavdishme të UÇK-së të 5, 6 dhe 7 marsit të vitit 1998 dhe rënies heroike të Komandanti Legjendar Adem Jashari dhe familjes Jashari.
- Advertisement -
