Komuna e Prishtinës njofton për vonesa në transportin publik për shkak të protestës

Komuna e Prishtinës ka njoftuar se, për shkak të protestës kundër aktgjykimit të Dhomave të Specializuara të Kosovës në Hagë ndaj ish-krerëve të UÇK-së, mund të ketë vonesa dhe pengesa të përkohshme në qarkullimin e transportit publik.

Sipas Komunës, linjat që kalojnë në pjesët ku do të ketë kufizime të qarkullimit mund të mos realizohen sipas orarit të rregullt.

Komuna ka kërkuar mirëkuptimin dhe durimin e qytetarëve deri në normalizimin e qarkullimit.