Nënkryetari i Komunës së Drenasit, z. Arsim Haxhiu, drejtori i Urbanizmit, z. Betim Berisha dhe drejtoresha e Shërbimeve Publike, kanë pritur në takim përfaqësuesit e KEDS-it dhe kanë diskutuar për problemet dhe ndërprerjet e shumta të energjisë elektrike që po behën në Kosovë, veçanërisht në Komunën e Drenasit.
Pas shqetësimeve të shumta nga ana e bizneseve dhe qytetarëve, nënkryetari Haxhiu ka kërkuar sqarime për reduktimet që janë duke ndodhur tash e disa muaj në Komunën e Drenasit nga ana e KEDS-it. Këta të fundit janë arsyetuar se reduktimet që janë duke ndodhur është pasojë e projekteve që janë duke u punuar në rrjetin e energjisë elektrike në terë territorin e Republikës së Kosovës. Mirëpo, nënkryetari Haxhiu ka kërkuar nga KEDS-i që kjo dukuri të përmirësohet, pasi që reduktimet që po ndodhin janë në dëm të qytetarëve, e sidomos të bizneseve. Ndërsa përfaqësues të KEDS-it, kanë premtuar se gjatë sezonit të dimrit nuk do të këtë reduktime dhe se sezone e implementimit të projektit për përmirësimin dhe rregullimin e rrjetit është afër përfundimit. /Drenica Press/
