Shumë persona zgjedhin që gjatë stinës së verës të martohen, ndryshe nga shumë vende të tjera kosovarët zgjedhin që muaji korrik dhe gusht të jenë më kryesoret për realizimin e martesës, shkruan Gazeta Metro.
Ndryshe nga shumë vende, shqiptarët ruajnë traditat e vjetra duke përdorur flamurin kombëtar kur të marrin një nuse.
Por, avokati i njohur Arianit Koci po kritikon kosovarët që nuk po vendosin flamurin shtetëror të Kosovës, por vetëm atë kombëtar, kuq e zi.
Koci sot ka rastisur në katër dasma të ndryshme, derisa në asnjërën nga to nuk ka parë flamurin e shtetit tonë, veçse atë kombëtar.
Ky është postimi i tij i plotë:
Sot, rrugëve të Kosovës i pashë 4 (katër) dasma. Asnjëra nuk e kishte flamurin e Kosovës, vetëm flamurin shqiptar.
Flamuri kosovar duhet të jetë krahas atij shqiptar.
Nëse ne nuk e promovojmë flamurin tanë, po presim që të tjerët e bëjnë a?
Përndryshe, në një dasem te ne, kam parë edhe flamur amerikan e gjerman – vetëm kosovar jo.
Nuk po e kuptoj pse ky mohim?./gazetametro.net
