Të gjithë ata që janë të interesuar për të blerë toka bujqësore në Drenas, këtë mund ta bëjnë duke marrë pjesë në tenderët e privatizimit që zhvillon Agjencia Kosovare e Privatizimit.
Sipas AKP-së, në këtë valë aktive mund të konkurrohet për blerjen e një sipërfaqe totale prej 12.18 hektarë tokë bujqësore në pronësi shoqërore që gjendet në fshatin Tërstenik të Drenasit, kurse pronar i tyre mund të bëhet çdo qytetar i interesuar në rast se fiton në garën konkurruese që zhvillohet me zarfe të mbyllura dhe që transmetohet drejtpërdrejt edhe përmes kamerave. Agjencia e Privatizimit e ka ndarë këtë sipërfaqe të tokës në katër tender të veçantë.
