Armë me laser, raketa balistike bërthamore dhe dronë gjigantë nënujorë ishin ndër armët e reja të zbuluara në paradën masive ushtarake të Kinës, që shënoi 80-vjetorin e fitores së saj ndaj Japonisë, në Luftën e Dytë Botërore.
Presidenti Xi Jinping tha se vendi i tij ishte “i pandalshëm” dhe “nuk do të frikësohet kurrë” nga ngacmuesit, në një fjalim para ngjarjes, shkruan BBC.
Atij iu bashkuan 26 krerë shtetesh, përfshirë Vladimir Putinin e Rusisë dhe Kim Jong Unin e Koresë së Veriut, transmeton IndeksOnline.
Kjo është hera e parë që Xi, Putin dhe Kim takohen së bashku.
Ambiciet e Xi u shfaqën këtë mëngjesm me paradën që ofroi të dhëna për çdo plan të mundshëm për të sulmuar ishullin demokratik të Tajvanit, të cilin Kina e pretendon.
Presidenti i SHBA-së, Donald Trump nuk ishte në paradë, por ai postoi në Truth Social duke i qortuar Xi, Kim dhe Putin për “komplot” kundër SHBA-së.
