Kryesia e klubit të KF Drenicës pas një takimi që ka pasur, ka vendosur që postin e kryetrajnerit për kampionatin e ri 2017/2018 t’ia besojë, trajnerit të njohur, Bekim Shotani.
Me ish-trajnerin e Vushtrrisë dhe Trepcës ’89, klubi ka arritur marrëveshje për këtë edicion të garave.
Negociatat mes trajnerit vushtrrias dhe kryesisë së klubit, kanë filluar ditë me parë, kurse sot u kurorëzuan me marrëveshje e cila është e paraparë të zgjasë 1 vit.
Poashtu klubi nga Skenderaj ka njoftuar se shumë shpejt klubi do të rinovoj kontratat me pjesën më të madhe të ekipit që ishin vitin e kaluar kurse edhe do të ketë përforcime, varësisht nga kërkesat e trajnerit të sapo emëruar.
