Kryetari i Komunës së Drenasit, Ramiz Lladrovci, ka zhvilluar takim me komisionin për sinjalizimin horizontal dhe vertikal të rrugëve dhe kanë bërë disa ndryshime në rrugët e qendrës së qytetit për të lehtësuar qarkullimin në komunikacionin rrugorë.
Me rekomandimin e kryetarit Lladrovci, komisioni pas analizave të gjendjes aktuale të kahjeve të qarkullimit në komunikacionin rrugorë dhe shënjezimin horizontal e vertikal, ka bërë këto ndryshime.
Rruga “14 Qershori” të kalohet në rrugë për qarkullim dy kahorë dhe të kompletohet me shënjezim përkatës.
Rruga “Bedri Shala”, të kalohet në rrugë për qarkullim dy kahore, prej kryqëzimit me rrugën “Shaban Shala” deri tek rruga “14 Qershori”, dhe njëherit të bëhet shenjezimi adekuat.
Rruga “Xhevat Demaku”, të behët rrugë me perparësi kalimi kundrejt rrugës “Bedri Shala”, që po ashtu të behët edhe ndërrimi i shenjave përkatëse. Në rrugën “Skënderbeu”, tek rrethi në hyrje të qytetit të Drenasit të vendosen shenjat për ndalim parkingu, ne anën e rrugës nga varrezat. Po ashtu shenjat për ndalim parkingu të vendosen edhe në rrugën “Xhevat Demaku, tek rrethi i vogël të Qendra e Mjekësisë Familjare.
Komisioni po ashtu ka shqyrtuar mundësin e kufizimit të një pjesë të parkingut afër objektit të Komunës se re. Këto janë ndryshimet të cilat janë vendosur në mbledhjen e Komisionit për sinjalizimin horizontal dhe vertikal të rrugëve ne qendër të qytetit të Drenasit. /Drenica Press/
