Në Shillovë të Gjilanit janë arrestuar pesë serb nën dyshimin se kanë kryer vepër penale kundër rendit kushtetues dhe të sigurisë së Kosovës.
MNediat serbe raportojnë se arrestimet janë kryer për shkak se ata dyshohet e kanë ushtruar presion ndaj pjesëtarëve serb të FSK-së për t`u larguar nga shërbimi.
Operacioni policor ka nisur në mëngjesin e sotëm me arrestimin e shefit paralel të qarkut të Anamoravës, Radovan Stojkoviq dhe drejtorin e entit paralel serb të punësimit në Gjilan, Jovan Deniq, transmeton Klan Kosova.
Këta të dy janë ndaluar në hapësirat e qendrës kulturore në Shillovë.
Siç raporton Radio Teleivizoni i Serbisë është arrestuar edhe Nenad Stojanoviq, automekanik i punësuar në ushtrinë e Serbisë në Vranje.
RTS njofton poashtu se ndër të arrestuar janë edhe Predrag dhe Aleksandar Gjorgjeviq nga fshati Berivojcë i Kamenicës, transmeton Klan Kosova.
