Sipas Komitetit Ndërkombëtar të Kryqit të Kuq 17 vite pas përfundimit të luftës në Kosovë, vazhdojnë të mbesin të zhdukur 1,666 persona.
Si pasojë e konfliktit të armatosur të viteve 1998-1999 në Kosovë, 6,049 persona i janë raportuar Komitetit Ndërkombëtar të Kryqit të Kuq (KNKK) si të zhdukur, përcjell Drenicapress.
Përderisa kërkimi për përgjigje ka dhënë rezultate duke ia mundësuar familjeve të 4,383 personave që të gjejnë prehje, ky është një ngushëllim i vogël për familjet e 1,666 personave të zhdukur, të cilat ende jetojnë në paqartësi.
Nga komuna e Drenasit janë të zhdukur afër 100 persona. Mosha dhe profesionet e tyre janë të ndryshme. Fshati Verbovc ka më së shumti persona të zhdukur nga lufta e fundit në Kosovë.
