Harry Kane po e shijon një nga sezonet më të mira të karrierës së tij dhe tashmë e ka Këpucën e Artë në horizont.
Sulmuesi anglez po vazhdon me një ritëm të jashtëzakonshëm golash dhe e ka krijuar një diferencë të rëndësishme ndaj ndjekësve të tij më të afërt në garën për golashënuesin më të mirë në Evropë.
Në këtë moment të sezonit, Kane nuk është thjesht lider i renditjes, por edhe lojtari më konstant dhe më vendimtar në krahasim me rivalët e tij të mëdhenj, shkruan “Gazeta Express”.
Kylian Mbappé dhe Erling Haaland, dy nga emrat më të mëdhenj të futbollit botëror, ndodhen pas tij, por distanca është bërë gjithnjë e më e vështirë për t’u mbyllur.
Sulmuesi anglez ka arritur ta mbajë një ritëm të lartë golash gjatë gjithë sezonit, duke qenë vendimtar si në kampionat ashtu edhe në ndeshjet kyçe.
Ky stabilitet ka bërë diferencën në krahasim me rivalët e tij, të cilët kanë pasur momente më pak të qëndrueshme gjatë sezonit për shkak të dëmtimeve, rotacioneve ose formës jo të njëtrajtshme.
Mbappé vazhdon të jetë një kërcënim konstant në çdo ndeshje, por nuk ka arritur ta mbajë të njëjtin ritëm të vazhdueshëm si Kane.
Nga ana tjetër, Haaland, edhe pse mbetet një makineri golash, nuk po arrin ta mbajë të njëjtin nivel statistikor që e karakterizon zakonisht në çdo sezon.
Në këtë situatë, Kane po e shikon gjithnjë e më qartë objektivin.
Me çdo javë që kalon, diferenca në renditjen për Këpucën e Artë po i jep atij një avantazh të rëndësishëm, duke e vendosur në pozicionin ideal për ta fituar një nga çmimet më prestigjioze individuale në futbollin evropian.
Nëse vazhdon me këtë ritëm, sulmuesi anglez jo vetëm që mund ta fitojë trofeun, por edhe të regjistrojë një nga sezonet më të mëdha personale në karrierën e tij, duke lënë pas dy prej yjeve më të mëdhenj të futbollit modern.
Vendi i katërt është rezervuar për yllin kosovar, Vedat Muriqi, i cili i ka shënuar 21 gola, dy më pak se dyshja Haaland – Mbappe, që i kanë nga 23. /Gazeta Express
