Një kamion ka goditur këmbësorët në një rrugë në Francisco të SHBA-së, duke u shkaktuar lëndime serioze, shkruan “Daily Star”.
Të paktën shtatë persona u plagosën kur kamioni u fut mes një grupi njerëzish. Gjithashtu kamioni goditi edhe një veturë.
Një nga këmbësorët besohet të jetë në një gjendje të rëndë për jetën, ndërsa personat që ndodheshin në makinën e vogël kanë pësuar lëndime të lehta.
Besohet se kamioni goditi një makinë me një familje brenda, para se të godiste edhe këmbësorët.
Disa ekipe mjekësore u dërguan në vendin e ngjarjes pas incidentit rreth orës 16:00 në ditën e Vitit të Ri.
Mediat lokale kanë raportuar se incidenti është shkaktuar nga shoferi i kamionit që tentoi të bëjë një kthesë të paligjshme.
