Kandidati për deputet nga radhët e LDK-së Rexhep Kadriu ka thënë se po rikthehet në politkë për shkak të zhgënjimit që po e sheh tek qytetarët.
Ai ka theksuar se Gjilani dhe Anamorava po përballen me një injorim të plotë nga qeveria qendrore, duke u shndërruar, sipas tij, në “zonë qorre” të Republikës së Kosovës. Kadriu ka thënë se po rikthehet për projektet që i ka nisur dhe të cilat nuk guxojnë të ndalen.
“Pas afro pesë vitesh larg politikës, sot po rikthehem. Po rikthehem për shkak të pakënaqësisë, mosdurimit dhe zhgënjimit të thellë që po shoh te qytetarët tanë. Kosova sot po përballet me stagnim, me mungsesë në zhvillim dhe zvarritjen e projekteve kapitale dhe në munegesë totale të vizionit. Ndërsa Gjilani dhe Anamorava me injorim total nga qeveria qendrore, duke e kthyer këtë zonë në zonë qorre të Republikës së Kosovës. Rikthehem se kam përgjegjësi ndaj jush”, ka thënë Kadriu..
