Pas një përplasje ndërmjet deputetes Donika Kadaj- Bujupi dhe ministrit të Financave në seancën e Kuvendit, nuk ka mundur të përmbahej kreu i këtij institucioni, Kadri Veseli.
Ai duke ironizuar me Donika Kadaj- Bujupi ka thënë se ka njerëz këtu që po i ndërrojnë partitë e nuk po bëhet kiameti, raporton Gazeta Blic.
Pas kësaj deklarate të Veselit, ka reaguar Donika Kadaj- Bujupi duke thënë se “Partitë ndërrohen, por jo edhe qëndrimet. Këtu ka njerëz që e ndërrojnë fytyrën çdo ditë”.
Pas kësaj fjale të Donika Kadaj- Bujupit ka shpërthyer gazi në Kuvend, derisa Kadri Veseli ka kërkuar falje për atë që e tha.
