Haxhiu nesër në vizitë zyrtare në Maqedoninë e Veriut, takon presidenten dhe kryeministrin

Kryetarja e Kuvendit të Kosovës, Albulena Haxhiu, do të zhvillojë të martën, më 27 tetor, një vizitë zyrtare në Maqedoninë e Veriut.

Sipas njoftimit të Kuvendit të Kosovës, Haxhiu do të pritet me ceremoni shtetërore nga homologu i saj, kryetari i Kuvendit të Maqedonisë së Veriut, Afrim Gashi.

Gjatë vizitës, ajo do të zhvillojë një takim bilateral me Gashin, si dhe do të takohet me presidenten e Maqedonisë së Veriut, Gordana Siljanovska-Davkova, dhe kryeministrin Hristijan Mickoski.

Në kuadër të agjendës, Haxhiu do të takohet edhe me kryetarët e komunave me shumicë shqiptare.