Atmosferë e veçantë para përballjes historike të FC Malisheva-s në garat evropiane! Njësia elitare K-9 e Policisë së Kosovës është parë duke siguruar perimetrin përreth stadiumit “Fadil Vokrri”, duke garantuar rendin dhe sigurinë në prag të ndeshjes ndaj FC Vikingur nga Islanda.
Presidenti i klubit malishevas, Driton Morina, është parë në humor të mirë dhe i motivuar, teksa shoqëron ekipin drejt një prej sfidave më të mëdha në historinë e tyre. Morina ka qenë prezent pranë ekipit gjatë gjithë përgatitjeve dhe ka dhënë sinjale të qarta për besim dhe përkushtim maksimal.
Ndeshja zhvillohet në ora 20:00 në kuadër të kualifikimeve për garat evropiane dhe pritet me interes të madh nga tifozët vendorë, ndërsa siguria është në nivelin më të lartë. /Indeksonline/